بسم الله الرحمان الرحيم .
هذه بعض الأمثال الشعبية مع شرحها .
*****
ـ هـا اللحية مهيب على رجال : يقوله الواحد إذا تعهد لناس بيجيب أي شيء ، مثلا لاعب يقول : إذا ماجبت هدف في مباراة بكرة ترى هاللحية مهيب على رجال .
2ـ الهادي الله :
إذا شفت واحد اهله صالحين وهو لك عليه ...... لأن الهداية من الله سبحانه
3ــ هات البيز رد البيز ... صار البيز خرقه :
البيز : قطعة خرقة تمسك بها الدلة والا البريق والا القدر الحار علشان ما يحر يدك .
ولأن البيز مهم للغاية ، ولكن أي شيء يصلح بيز ...... لذا يضرب هالمثل : للشي اللي اسمه أكبر منه .
4ــ هـذا أبيه ... وهذا أشتهيه :
إذا واحد حار بطنه ولا يشبع .. تلقاه ما يمل من الأكل ... هذا يبي ياكله .. وهذا يشتهيه ....
5ــ هذا بلى أبوك ياعقاب :
قالها نمر ابن عدوان لولده لما أراد أن يسليه عن زوجته وضحا .. ويقول أنها عوجا .. إذا نامت على ظهرها لا يلامس خصرها الأرض لصغره .. قال : نمر : هذا بلا أبوك ياعقاب .....
6ــ هذا العود وهذا طرفه :
إذا فيه شيئين متشابهين في السوء ....
7ــ هذا جاك وهذ لفاك :
إذا فيه واحد عليه دين وما يسدد .. يقول هالمثل من باب الاعتذار عند من أعطاه المال .
8ــ هذا وهو بلح وشلون إذا صلح :
البلح : بسر النخل اول ما تطلع النخلة وقبل ما يستوي .
يضرب هالمثل : للشخص المؤذي وهو صغير .. وش بيصير إذا كبر .
9ــ هذي اللي عليها طول يدها :
يضرب في مدح الأمر النافع ، وأصل المثل : وصف للناقه السمينة التي ارتفع الشحم في سنامها بقدر طول يدها .
10ــ هذي تروعك والأخرى في ضلوعك :
هالمرة تروعك هالحادثة ، وترى المرة الثانية بتصيبك .....
السبت أكتوبر 24, 2009 6:39 am
